‑Fɩn" 'a ‑srɛɛn 'mʋa‑ 'ʋn
126
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' muɛ.
‑Amɔ ‑na ‑aa ja ja 'de‑,
ta Tʋ "bo ‑sa Selisalɛmʋ ‑nyʋ kʋʋɔn 'kwla a,
‑wɛe ʋʋ jia ʋʋa' 'blʋa "kpei de ɛ,
2 'mʋa‑ "jiɛɛ ‑a 'wɔn, ‑a ‑nɩɛ 'nynɩɛ "wɛin,
'dʋ 'a 'sʋ ‑nɩ 'e ‑a mɩɩɔ "kpei.
'Sʋ 'blʋadinyʋ 'na:
Tʋ "bo ‑nʋ' ʋʋpʋ‑ 'dɔe klae" "jrii.
3 Kɩɩn, Tʋ "bo ‑nʋ' ‑aʋn 'dɔe "klae" "jri i ‑cɛɛn'‑,
ɛmɛ ‑tɩ ‑a ‑nɩ 'e 'mʋa‑ 'ʋn.
4 Tʋ "bo ‑ɩn ‑poo ‑aa 'kmʋ fai",
ka "ni ‑gbii a ‑sia' 'de ‑pɩɩɔn" 'blʋa "kpei ɛ.
5 Nyʋ ‑ʋʋ ‑fɩn" 'a kopo nɔ" ɛ,
ʋʋ nɩɛ 'nynɩɛ "wɛin "i ɛɛ' cɛn nɔ".
6 Kopoi, ‑ɔɔ ‑fɩn" 'a kopo nɔ" ɔ,
‑bo ɔ 'ble kosɩɩ" ɔɔ sea deji ɛ, 'cna "muuɔ'.